Wednesday, July 31, 2013

෴සැබෑ නායකයෙක් ගේ වියෝ විමත් සමඟ මා සිතේ උපන් සිතුවිලි෴



     මම ඔහුව සැබවින් දැක නැත. ඒනමුත් ඔහු පිළිබඳව බොහෝ දේ මාහට අසන්නට ලැබුණාය. මේ ලියමන අකුරු කරන මොහොත වන විටත් ඔහු සදහාටම දෙනෙත් පියාගෙන අවසන්ය.ඒ නිසා කථාව පෙළ ගස්වන ගමන්ම ඔහුගේ ආත්මයට සැනසිම උදාකර දෙත්වා!!! යැයි මම පතමි!!!.
     බල්ලන් උඩුබුරන හඬ ඇසෙන්නට හොඳ නැති බව පුංචි කාලයේ සිට අප දන්නා කරුණකි. නිහැඩියා මැද්දේ බල්ලෙක් උඩුබුරන හඬට මා තීගැස්සී අවදි වුවාය. ඒ මොහොතේම මගේ දෙනෙත් ඔරලෝසු මුහුණතේ කටු ළඟ නතර විය. වේලාව පන්දර 4 පසු වී මිනිත්තු 58 ගත වි තිබුණි.“කාලය මැව් වෙනසක අරුමේ. නිවසේ සිටින අවස්ථාන් වලදී බල්ලා උඩුබුරන විට අම්මා තරවටු ශ්වරයෙන් ඌව මෙල්ල කිරීමට උත්සහා ගන්නේ එය අසුභ පෙරනිමිත්තක් යන විශ්වාසය මතය.
     උඩුබුරණන හඬත් සමඟ ඒ අසුභ පණිවිඩය ඈ විසින් මගේ කණට කොදුරා පවසා සිටියාය. ඇඟේ හඬ තුලද විලාප ස්වරයක් ගෙන තිබුණාය. අපූරු මිනිසෙකුගේ අනපේක්ෂිත සමු ගැන්ම ඒ ආකාරයෙන් සැල කරන ලදී. නෙතට නෙත මුණ නොගැසුණද? සමහරක් මිනිසුන් අපේ හඳවත් තුල ගරුබුහුමන් ලබති.සැල වු අසුභ පුවතත් සමඟ මා සිතේ නොයෙකුත් සිතුවිලි වලින් හොල්මන් කරන්නට පටන් ගත්තාය. ඒ අතරම බාහිරින් ඇසුණු ශබ්දයන් තුල විලාප දෙන ගතියක් ගැබ්ව තිබුණි. මේ සියල්ල භයංකාර සිහිනයක් සේ විටෙක මට දැණුණාය. එහෙත් මේ සියළු සිද්ධින් වල අසුභ නිමිත්ත දැන් සැබෑවක් බව මම දනිමි. සමහරක් කතාන්දර අරඹයා ගොඬනැඟේන සිතුවිලි විසුරුණු ස්වභාවයක් ගන්නා අතර, ඒ සියළුම සිතුවිලි එකම කථාවක කොටස් ලෙස නිර්මාණය වීමේදී පිළිවෙලකට ස්ථාන ගත කිරීම අපහසු කරුණකි. මේ කථාවද එවැනි විසිරුණු සිතුවිලි රාශියක එකතුවකි.  
     මිනිසෙකු යනු අවසාන හුස්ම පොද ද සුළඟට එක්වෙන තෙක් හඳුනා ගැනිමට නොහැකි ගුප්ත භුමිකාවකි.ඒපමණක්ද නොව නිරන්තර පරික්ෂණයන්ට භාජනය වෙමින් නව සොයා ගැනිමක් මෙන් දින දින වෙනස් විමට ලක් වන සත්වයෙකි.මගේ කථා නායකයාද කිසිදිනක සමාජයට තේරුම් ගැනිමට නොහැකි පරිදි තම අනුගාමිකයින්ව හසුරුවා ගත් නායකයෙකි. එහෙත් දරුණු පුද්ගලයෙකු වුවද, එක්තර මොහොතක එකඳු පුද්ගලයෙකු ඉදිරියේ හෝ සංවේදීතාවයට පත් වෙනවා සේ, ඔහුද තේරුම් ගත් කිහිපදෙනෙකු මේ සමාජය තුල සිටිම සැනසිල්ලකට කරුණකි.
     සෑම නායකයෙකුගේම අවසාන අරමුණ වනුයේ ජයග්‍රාහනය සහ සාර්ථකත්වයයි. එහෙත් ඒ කරා ළඟා විමේදී අනුගාමිකයින් මෙහෙයවන ක්‍රම සහ විදී නායකයාගෙන් නායකයාට වෙනස් වේ. ඒ නිසාම සමාජය ඔවුන් දෙස බලන කෝණයද වෙනස් වේ.කෙනෙකු නායකයාගේ ක්‍රමවේදය අනුමත කරද්දී තවත් පිරිසක් ඊට විරුද්ධ අදහස් පල කරයි. නායකයින්ගේ සමහරක් තීරණ සුළු පිරිසකට අසාධාරණයක් වුවාට බහුතරයකට යහපතක් වේ. එවැනි අවස්ථා වල හිත් රිඳුණු අනුගාමිකයින් නායකයා කෙරෙහි කළකිරීමට පත්වනවා සේම විවේචනයටද ලක් කරයි.
     තවද ඇතැම්  නායකයින් තම අරමුණු සඵල කර ගැනිම උදෙසා දැඩි පාලන ක්‍රමයක් පවත්වාගෙන යන්නෝය. බොහෝ විට මේ අවස්ථා දකින්නට ලැබෙන්නේ අනුගාමිකයින් ක්‍රියා කරන ආකාරය සහ ඔවුන් දරණ ආකල්පයන් මතය. ඒ අනුව ඔවුන් හට යම් කිසි  නිතී රිතී පනවමින් අවශ්‍ය කාරණාව ඉටු කර ගැනිමට සිදුවේ. එවැනි අවස්ථාවන්හිදීද අනුගාමිකයින් තම නායකයා කෙරෙහි අපැහැදිමකින් කටයුතු කිරීමට පෙළඹේති.  
     යම් කටයුත්තක් කෙරෙහි අනුගාමිකයින් දක්වන ඇල්ම සහ ශ්‍රම දායකත්වය පිළිබඳව නායකායා අසතුටුදායක නම්, එවැනි අවස්ථාවන්හිදී ද  කුමන හෝ ආකාරයකින් තමන්ට පැවරි ඇති වගකිම සහ රාජකාරිය  ඔවුන්ට යම් කිසි පිඩනයක් එක් කරමින් සිදු කර ගැනිමට උත්සහා දරයි. එවිටද ගැටුම්කාරි සිතක් අනුගාමිකයින් ගේ සිත් තුල උපදී. එහෙත් නයාකයාගේ අරමුණ හරිහැටි තේරුම් ගෙන ඊට අනුකුලව කටයුතු කරන අනුගාමිකයින් පිරිසක්ද සිටිති. ඔවුන් කෙරෙහි නායකාය තුල විශ්වාසයක් ගොඩනැඟේනවා සේම දැඩි කැමත්තක්ද ඇති වේ.
     මාගේ කථා නායකයාද මේ සියළු ආකාරයට තමන් ගේ අනුගාමිකයින් මෙහෙය වන්නට ඇත. ඒනිසාවෙන්ම ඔහු යම් පිරිසක් අතර විවේචනයට සහ වැඩි කථාබහට නතු වුයේය. එහෙත් යම් පිරිසක් ඔහුව අගයමින් ඔහුගේ අරමුණ සාර්ථක කර ගැනිම සඳහා ශක්තියක් වි ඇත.
     මා ඉහත කියු නායකත්ත්ව ලක්ෂණයන්ට අමතරව වෙනස් වු සිතැඟි පරිදි තම අනුගාමිකයින් මෙහෙය වන නායකයින්ද සිටිති.  නායකයෙකු යනු බුද්ධියෙන් උගත්කමින්, තම සහජ කුසලතා තුලින් , විවිධ වු ශිල්පීය පාඨමලාවන් තුලින් ලබා තබා ගත් න්‍යයික  සහ ප්‍රයෝගීක දැනුම අතින් අනුගාමිකයින්ට වඩා බොහෝ ඉදිරියෙන් සිටිති. එබැවින් සෑම විටම තමන්ගේ දැන උගත් කම  හා ඔවුන්ගේ දැනුම සංසාන්දනාත්මකව ගළපන්නට යාමෙන් වැළකි සිටිය යුතුය. අනුගාමිකයින් තුලින් එවන්නක් බලාපොරොත්තු නොවිය යුතුය. ඔවුන් ඔබ තරමට ශිල්පය හදාරා නොමැති අතරම, ඒ අවසරයෙන් සිදු විය හැකි යම් යම් දෝෂයන් කෙරෙහිද සානුකම්පිතව බැලිමට හැකියවක්ද නායකයාට තිබිය යුතුය. එය සැබෑ නායකයෙකු සතු ගුණාංගයක් වේ. එවැනි නිරෝගී මානෂීකතත්ත්වයක නායකයා නොසිටියහොත් අනුගාමිකයින් තමන් කෙරෙහි දක්වන ගෞරවයද විශ්වාසයද අල්ප වනු ඇත. අනුගාමිකයින් ගේ දුර්වල ස්ථානයන් පෙන්වා දී එය නිවැරදි කර ගන්නා ආකාරය සහ නොදන්නා කරුණු ඇත්නම් එවැනි කරුණු පිළිබඳවද ඔවුන්ව දැනුවත් කිරීම් කළ යුතුය. එය නායකයා සතු වගකිමක්ද වේ. තවද තමන්ගේ අනුගාමිකයින් පිළිබඳව වෙන් වෙන් වශයෙන් දැනුවත්ව තිබිම, ඔවුන් සතු කුසලතා සහ දැනුම කෙරෙහි නිසි අවබෝධයකින් අධ්‍යනය කළ යුතුය. එවිට තමන්ගේ කාර්යය කරගැනිමට පහසු වනු ඇත.
     එහෙත් මගේ කථා නායකයා මේ සියළු කාරණා පිළිබඳව නිසි අවබෝධයකින් යුක්තව තම අනුගාමිකයින් මෙහෙය වන ලදී. විටෙක ඔහු  දැඩි තීරණයන් ගත්තද  ඔහු යනු සැබෑම වීරයෙකි.
     හමුදා පුද්ගලයෙකු හට වනය,සයුර ,ගුවන  තරණ කිරීමට සිදු වේ. කුමන හෝ අවස්ථාවක තම අවියත් සහ තමා වටා සිටින පිරිසද අහිමි වු විට තනිවම සටනට මුහුණ දිමට තරම් ඔහු තුල විශේෂ ශක්තියක් තිබිය යුතුය. මුහුණට මුහුණ කෙරෙන සටනකදී  තව කෙනෙකුගෙන් උපදෙස් ලබා ගනිමින් ක්‍රියාකාරි විමට සිදුවන අවස්ථා අල්පය. එවැනි අවස්ථාවන්හිදී තමන් කළ යුතු දේ පිළිබඳව ක්ෂණික තිරණ ගැනිම අත්‍යවශ්‍ය කරුණක් වන අතරම ඒ ගන්නා තීරණ අභියස තමන්ට සිදුවන හානීය අවම විය යුතුය. ඉතිං මගේ කථා නායකායටද අවශ්‍ය වුයේ එවැනි විර ශක්තියකින් හෙබි පුද්ගලයින් නිර්මාණය කිරීමටය.
අවසාන වශයෙන් කිව යුතු තවත් යමක් ඉතිරිව ඇති බව මට හැඟේ. ඒනම් නුහුරු කටයුත්තක වගකිම තමන් සතු වන අවස්ථාවක ඊට අදාළව කළ යුතු පිළියම් පිළිබඳව නිසි අවබෝධයක් ලබා ගන්නා තුරු අවසාන තින්දු තීරණ වලට ඒමෙන් වැළකි සිටිය යුතුය.

ඔබේ ආත්මයට සැනසිම ලැබේවා!!!යනු මගේ පැතුම වේ. රට වෙනුවෙන් ඔබ කළ නිහඬ මෙහෙවර වෙනුවෙන් ඔබ සදා අපේ හදවත් තුල අමරණීය වනු ඇත.
  • ඇය යනු මෙම කථා වස්තුව ඉදිරියට රැගෙන යාමට යොදා ගත් උපකල්පනයක් පමණි.
  • මෙම කතාන්දරය කිය විමේදී ඔබට යම් කිසි පටලැවිලි ස්වරූපයක් දිස් විය හැකිය. ඒ පිළිබඳව මා කණගාටුව ප්‍රකාශ කරමි.මන්ද ඇතැම් කරුණු සැඟවි ඇත.

Read More

Saturday, July 27, 2013

ඇය හැඩ වුයේ අපේ වර්ණයන්ගෙන්ය.....


නොසිතු හමු විමක සුන්දර මතක සටහනක්

     මාතර නගරය පිහිටා ඇති ආකාරය සිත් ගන්නා සුළුය. එහි සංචාරය කරන අයෙකුට ඒ බව පසක් කර ගැනිමට හැකියාව ඇත. ඒ අතර ප්‍රධානතම තැනක් හිමි වන ස්ථානයක් පිළිබඳව සටහනක් තබන්නට මා හට සිතුණි. මාතර පුරවරය වර්ණවත් කරන තවත් එක් සුන්දර වර්ණයක් ලෙස පොල්හේන මුහුදු තීරය පෙන්වා දිය හැකිය. අසිරිමත් ලාලිත්‍යය විදහාපාන සාගරය විටෙක මුරන්ඩුය. විටෙක ගම්ගීරය. විටෙක නිහඬය. විටෙක දරුණුය. තවත් විටෙක ගුප්තය.
            එහෙත් සොඳුරු නිශ්කලාංක පරිසරයක පිහිටි පොල්හේන මුහුදු තීරය යනු දෙස් විදෙස් සංචාරක ආකර්ශණය දිනා ගත් සොඳුරුතම ගිමන්හලකි. එහි පිහිටිම හරි අපුරුය. තවද එම මුහුදු වෙරළ දිය නෑමට, කාන්සිය නිවා ගැනිමට මෙන්ම රසාස්වාදයටද ඉතාමත් කදිම තෝතැන්නකි. ඒකාකාරි දෛනික චර්‍ය්‍යවන්ගෙන් මොහොතකට මිදි එහි සුන්දරත්වය විඳිමට අවස්ථාව උදා කර ගන්නා ලෙස මම ඔබටද ඇරයුම් කරමි.
            මෙය සුවපහසු ලෙස ගිමන් නිවා ගැනිමට ඔබින ආකාරයට පිහිටා ඇති  වෙරළ තීරයකි. ලොකු කුඩා කාහටත් එක සේ ප්‍රිතී විය හැකි පරිදි ස්වභාවිකම නිර්මාණය වී ඇති ජල තඨාකයක් ලෙස හැඳින්විය හැකිය. එහි පිහිටිම මිනිසාගේ ම සුවපහසුව වෙනුවෙන්ම නිර්මාණය වි ඇත. ගැඹුරු සයුරෙන් වෙන් වු නොගැඹුරු මුහුදු තීරය අප වෙනුවෙන්ම සැදිපැහැදි සිටි. රිසි සේ ජල ක්‍රිඩාවන්හී නිරත විමටද අවස්ථාව සලසා ඇත. කරදිය නෑමෙන් පසුව පිරිසිදු ජලයෙන් ස්නානය කිරීමට පහසුකම්ද ඇත. ප්‍රීතිය දනවන්නන්ට පමනක් නොව තනිකම කාන්සිය ඇත්තන්ට වුවද තනිකම මකා ගැනිමට සහෘද බව ළඟා කරන තැනකි.
             
       තව දුරටත් එහි සුන්දරත්වය ගැන කථා කිරීමේදී  ගල්මල් හෙවත් කොරල් පර මෙම මුහුදු සීමාව තුල තිබුණත්, අද වන විට එවැනි වටිනා පරිසර පද්ධිති අපේම පුද්ගලයින්ගේ යම් යම් නොමනා ක්‍රියාවන් හේතුවෙන් නටබුන් බවට පත්ව ඇත. එවැනි පරිසර පද්ධති රැක ගැනිම අපේ වගකිමක් සහ යුතුමක් වේ.

තවද රිටි පන්න ධීවර කාර්මාන්තය ද මෙම ප්‍රදේශයේ සුන්දරත්වය වැඩි කරන අවස්ථාවකි. මෙහි පැමිණෙන සංචාරකයින්ට එයදැකිම විශේෂ මෙන්ම ආස්වාදජනක අවස්ථාවකි. එහෙත් එම කර්මාන්තයේ තිබෙන කටුක බව නිසාම අද වන විට එය අතහැර දැමිමට එම කර්මාන්ත කරුවන්ට සිදු වි ඇත. එහෙත්  සිරස් අතට සිටුවා ඇති ලීයක් මත තිරස් අතට බැදුන ලීයක් උඩ හිද බීලීපිත්තක් අතැතිව සිටින මිනිසා දෙස බලාගෙන අප හට භාවනාවකට සමවැදිමට හැකිය. එම දර්ශණය සිත්තමක් සේ පෙනෙන විට එය මගහැර  යාම මට නම් බොහෝ අසීරු කාරණයකි.

මේ සියළුම ප්‍රීති ලබා ගන්නා ගමන්ම තරයේ අප මතක තබා ගත යුතු කාරණා කිහිපයක්ද ඇත. ඒනම් නිරතුරුවම නොසැළිකිලිමත්කමින් සහ තමන් ගේ තරම නොදැන හිතුමතේට ඈත දියඹට පිහිනිමට යාමෙන් ඇති වන අවදානම් තත්ත්වය පෙන්වා දිය හැකිය. මීට අමතරව වෙරළාරක්ෂක නිළධාරින් විසින් ලබා දී ඇති උපදෙස් වලට  පටහැනිව තම අභිමතය පරිදි විනෝද විම අනතුරුදායකය. එම අවදානම් සහිත ස්ථාන අපහට පෙනෙන සේ සළකුණු දක්වා ඇති බැවින් එම ස්ථාන පසුකිරීමවත් ඒ ආසාන්නයට යාමෙන් වැළකි සිටිමටත් වග බලා ගත යුතුය. යෞවනය දඟකාරය. ඒ දඟකාරකම නොයෙකුත් අත්හදා බැලිම් වලට යොමු විම සාමාන්‍ය තත්ත්වයකි. එහෙත් එය හැම විටම ගැළපෙන්නේ නැති බවට හොඳම නිදසුන මෙවැනි ස්ථාන වල දක්වා ඇති අනතුරු සහිත ස්ථාන තරණය කිරීම පෙන්වා දිය හැකිය. උපදෙස් කෙරෙහි තැකිමක් නොකිරීම හේතුවෙන් තම ජිවිත අහිමි කර පුද්ගලයින් බොහෝය. ඒ අතර උගත් නුගත් ලෙස වර්ග කිරීමකින් තොරව ආකාලයේ මුහුදට බිලි වි ඇති ජිවිත පිළිබඳව අවශ්‍ය නම් පෙන්වා දිය හැකිය. මා එසේ පැවසිමට හේතුව මෙවැනි අවස්ථාවන් වල වඩා වැදගත් වන්නේ දැනුවත්විම සහ ලබා දී ඇති උපදෙස් පිළිපැදිම පමණක් වන බැවින්ය. මේ අනතුරුදායක තත්ත්වයන් නිසාවෙන්ම අද වන විට සංචාරක ආකර්ශණය දිනා ගත්තද නිරුතුරුවම මිනිසුන් බිලිගන්නා ස්ථානයක් බවටද පත්ව ඇත. එම නිසා එහි දිය නෑමට යන පුද්ගලයින් ඒ පිළිබඳවද සැළකිලිමත්ව සිටිම වැදගත්ය. තවද පත්ව ඇති අවාසනාවන්ත සිදුවිම් හේතුවෙන් එම ස්ථානයේ  ජීවිතාරක්ෂක සේවාවන්ද ආරම්භ කර ඇත. මෙම සේවාව නිසාවෙන් ජිවිත රැසක්ද බේරා ගැනිමට මොවුන් සමත් වී ඇත.























අවසාන වශයෙන් පැවසිමට තවත් එක් කරුණක් ඇත. ඒනම්

පිය සටහනක් පමණක් ඉතිරි කොට මතකය පමණක් රැගෙන යන්න.

සංචාරයට ප්‍රිය පරිසරයට ඇලුම් කරන මිනිසෙකුගේ මහත්මා ගුණයත් එයම වේ.

Read More

Monday, July 22, 2013

සුභ ඇසළ මංගල්‍යයක් වේවා!




     අපි හැම විටම වර්තමානයේ ජිවත් වෙමු. එය ජිවිතයට යහපතකි. අතීතය ඔබට දුන්  දුක් පිඩා තුල ඔබ තවමත් සිත නතර කර තැවෙනවාද? ඔබ ඒ ගැනම සිත සිතා දුක් වන්නේ නම් සැනසිම රැදී වර්තමානද ඔබට හිසරදයක් වන්නේය. වර්ථමානය අතීතය මෙන් කුරිරු නොවන්ට පුළුවනි. එහෙත් ඔබ තවමත් අතීත සිතැඟි තුල සිත රඳවා තිබේ නම්,වර්ථමාන සැනසිම ඔබට නොපෙනි යනු ඇත. එම නිසා හැම විටම වර්ථමානය ඔබට ලබාදෙන සැනසිම පිළි ගන්න ඔබේ සිත පිරිසිදුව නිරවුල්ව තබා ගන්නේ නම් මැනවි.
අනාගතයද එසේමය. ඔබ සැලසුම් කරන මාර්ගයට යාමට වර්තමාන මඟ නිසිලෙස විවර නොවන්නට පුළුවනි. එහෙත් ඔබේ ඉලක්කය සපුරාලිමට අවශ්‍ය  පුංචි දෙයක් හෝ වර්තමානයේ තිබේ නම් එය මඟ නොහැර ප්‍රයෝජනයට ගත යුතුය. එවිට ඔබ බලාපොරොත්තු වන  ඒ යහපත් සිතුවිල්ලට යාමට එතරම්ම අපහසු නොවනු ඇත. විඩාබර වු ජිවිතය නිවාලිමට සිසිලස සෙවිය යුත්තේ වර්ථමානයෙන්ය. මේ සියළුම කරුණු කාරණා අතර වැදගත්ම දේ නම් තමන් හැම විටම යහපත් සිත් ඇත්තෙකු විය යුතුය. වංචාව සිතේ තබාගෙන යන ගමනක් කිසිදිනක සඵල නොවන බව සිතට දැන්විය යුතුය. ඒ සඳහා නිතරම පරාර්ථකාමි මිනිසෙකු විමට උත්සහා කළ යුතුය.
පිංබර දිනයේ මා මෙසේ ප්‍රර්ථනා ගෙන එමි. මට මෙන් ඔබට මේලොව එළිය දකින්න මඟ විවර කර දුන් ආදරණීය අම්මාට තාත්තාට අපි කරන කියන යහපතේ බලයෙන් ඔවුන් සවිමත් වේවා!!!
ජිවිතය ලියන්න, දකින්න, විඳින්න උත්සහා කරන සියළුම දෙනාටත්,ජිවිතය නිසි ලෙස හසුරුවා ගැනිමට නොහැකි වි විඳවන සියළුම දෙනාගේද සිත් නිවි සැනසි ලෝකයාත් සමඟ යාමට අවශ්‍ය ශක්තිය ධෛර්‍ය නිරතුරුවම ඔබ තුල රැදේවා!!! යැයි මම හදවතින් ප්‍රර්ථනා ගෙන එමි!!!
Read More

Friday, July 12, 2013

෴ඔවුන්ටද ලෝකය විඳින්නට අත්වැල ලබා දිම අපගේ යුතුකමය෴



අහිංසකත්වයේ සංකේතය දරුවන්ය.සුභා  ඇඳ සිටින ඇදුම ලස්සන  නොවන්ට පුළුවනි. එහෙත් ඒ හිත ගොඩාක් ලස්සනය.


     2013 නාවික ශිෂ්‍යභට බාලිකාවන් ගේ විසිර යාමේ පෙළපාලිය ත්‍රිකුණාමලය නාවික කඳවුරේ දී ඉතාමත් සාර්ථකව නිමවට පත්වන ලදී. මේ සඳහා බාලිකාවන් එකදහාස් තිස්දෙනෙකු සහභාගි  වන ලදි. විශේෂ දක්ෂතා රැසකින් සමන්විත සිසුවියන් විශාල පිරිසක් මේ අතර විය. මෙම පුහුණුව දැරියන්ගේ ම කැමැත්තට සිදු වන්නක් බැවින් එහි සාර්ථකත්වය ඉතා ඉහළ මට්ටමක පැවතුණි. හමුදා පුහුණුවක් පිළිබඳව සමාජය දරණ ආකල්ප එතරම්ම සතුටුදායක නැත. එහෙත් එක්තරා ආකාරයකින් තම ශක්තිය සහ අත්ම විශ්වාසය වර්ධනය කර ගැනිමට මෙය මහඟු අවස්ථාවකි

මේ පිළිබඳව ඔබ තුලද විවිධ මත ඇත. ඒ සියල්ලද සත්‍ය කරුණු  විය හැකිය. මම ඒ පිලිබඳව ඔබ හා තර්ක නොකරමි. ඒ මන්ද යත් මට අවශ්‍ය වන්නේ මෙහි ඇති ගුණ දොස් පැවසිම නොවන නිසාවෙනි. එම සිසුවියන් නැවතත් කඳවුරෙන් පිටතට යන තෙක් සිසුවියන්ගේ ආරාක්ෂාව පිළිබඳව අපි වගකිව යුතුය. ඒ සඳහා අඥාපතිතුමා ගේ උපදෙස් සහ අණ පරිදි සියල්ල නිසියාකාරව සිදු විය. එම කටයුත්තේ වැඩි වගකිම කාන්තා නාවිකයින් වන අපහට පැවරි තිබුණි. ඒ නිසා නිතරම ඔවුන් ලැඟුම් ගන්නා නිවාසය අසල අපේ රාජකාරිය සිදු කිරිමට සිදුවිය. දහාසකට අධික ළමුන් අතර විවිධ තල වල සහ විවිධ සිතුම් පැතුම් වල දරුවන් සිටින බව මම දුටුවෙමි. දින දෙක තුනක් මගේ දෙනෙත් ඒ එක් දරුවෙකු ළඟ පමණක් නතර විය. ඇය සමඟ කථා බහේ යෙදෙන්නට කැමැත්තක් මා තුල විය. ඒ නිසාවෙන්ම දිවා ආහාරය සඳහා තම නිවාස කරා යන අතර මඟදී එම අවස්ථාව මම උදා කර ගත්තෙමි. ඒ අවස්ථාවේ මම විමසුම් කර්යාලයේ රාජකාරි කරමින් සිටියෙමි. එම ස්ථානයට ඇයව කැඳවා  විස්තර විමසන ලදි.


 අපිට වචන වලින් තර්ක කර බොහෝ දේ ජය ගැනිමට හැකිය. එහෙත් ප්‍රයෝගික ජිවිතය එසේ ජය ගැනිම එතරම් පහසු කටයුත්තක් නොවන බව මම දනිමි. අපි ලබාගෙන ඇති ජිවිතයේ සැප සතුට අඩු බවක් දැනි තව තව එය එක්රැස් කරගැනිම සඳහා නොයෙකුත් ක්‍රම උපායන් සැලසුම් කරති. එහෙත් අපි තරමටවත් ජිවිතය නොවිඳින මිනිසුන් කොතෙක් නම් මේ රට තුල ජිවත් වන්නෙහිද?  


ඇය නමින් සුභා කුමාරිය. 1998 ඔක්තෝම්බර් මස 19 වන දින මෙලොව එළිය දුටු ඇය, කුඩ කාලයේදී ම පිය සෙනෙහස අහිමි දැරියකි. උතුරු පළාතට අයත් වව්නියාවය ඇයගේ සුන්දර ගම වේ. සුභා අධ්‍යාපනය ලබන්නේ වව්නියාව පැරකුම් ම.ම.වි. යේය. මේ පුංචි සුභා ගේ ආදරණිය මවගේ සිය ජිවනඋපාය වන්නේ වැලි ගොඩ දැමිමය. සුභා ට සහෝදර සහෝදරියන් නොමැත. ඇයගේ දුක සැප ළඟ අම්මා පමණක් සිටිති. ඇයගේ වයස අවුරුදු 15කි. ඉගෙනුම ලබන්නේ 10 වන වසරේය. පුංචි විශේෂත්වයක් ඇය තුල ඇත. ඒ නම් සුභා වයසට වඩා පුංචි දැරියකි. ඒ නිසාමද මන්දා මගේ සිත ඇය ළඟ නතර වන්නට ඇත්තේ. පළමුව සුභාට මම පැවසුවේ ඔබේ ගේ ලිපිනය මට කොළ කැබැල්ලක ලියා දෙන ලෙසය. තවද ඇයට කථා කිරීමට දුරකථන අංකයක් ඇත්නම් එයත් එම කොළයේ සටහන් කරන ලෙසය. එහෙත් එවැනි පහසුකමක් ඇයට නැති බව පවසා සිටින ලදි.  අවසාන දිනයේ පැවැත්වෙන විසිර යාමේ උත්සවයට ඇයගේ මව සහභාගි වන බව මට දැන ගන්නට ලැබුණි. ඒ නිසා මම නැවතත් ඇයව කැඳවා බැංකු පොතක් ඇත්නම් එහි ගිණුම් අංකය මවගෙන් ඉල්ලා මා හට ලැබිමට සලස්වන ලෙස ඇයව දැනුවත් කරන ලදි. එහෙත් එවැන්නක්ද ඔවුන්ට නැති බව මම පසුව දැන ගතිමි.


 ජිවිතයේ අපි ලබා ගන්න වෙහෙසෙන්නේ මොනවද? කම්සැප, යාන වාහන, සුරා සැප, රාත්‍රි සමාජ ශාලා වල වින්දන, එහෙම නැත්නම් කාගේ හෝ ජිවිතයක් නැති කර ලබන තෘප්තියක්ය. එහෙත් සුභා වැනිම තවත් අහිංසක ජිවිත ඒදා වේල පිරිමහා ගැනිමට මොනතරම් නම් වෙහෙසක් ගන්නෙහිද.. ලිපිනය ඉල්ලා ගත් මා එය සුරක්ෂිතව තබා ගැනිමට සිතා ගත්තෙමි. ඒ මන්ද යත් මට මෙවර නිවාඩුවෙදී ඇයගේ නිවසට යාමට නොහැකි නිසාවෙනි. එහෙත් මැදවච්චිය නාවික කඳවුරේ සිටින මගේ යෙහෙළියත් සමඟ අගෝස්තු නිවාඩුවට ඇය සොයාගෙන යමි. ඒ මට පුළුවන් තරමින්  ඇයට උපකාරයක් කිරිමටය.

 යන තැනකට අන්තිමට මෙච්චරයි ඉතිරි වෙන්නේ යන පරමාර්ථයෙන් නම් නොවෙයි මම ඇයට පිහිටක් විමට සිතුවේ. අපි බොහෝ වේලාවට ඊළඟ බවයට පිං රැස් කර ගැනිමේ අදිටනින් ඇතැම් දේ සිදු කරයි. එහෙත් මම මේ දේ  එසේ සිතා නොකරමි. මම සිතන එකම දේ මේ භවයේ මා අතින් සිදු විය යුත්තක්  සහ මිනිසෙකු තුල තිබිය යුතු මිනිස් ගුණයක් ලෙස පමණි.


ඇයට සේම මටද පිය සෙනෙහෙස අහිමි ය. එම නිසා ඇ‍ඟේ දෙනෙත් තුල බොඳ වු කඳුළු වල වේඳනාව මේ පපුවට හොඳහැටි දැණුනි. මම ජිවිතයේ බොහෝ දේ ඉගෙන ගත්තේ දෛනිකව මා දුටු දේ තුලින්ය. හොඳ නරක සහ යහපත් අයහපත් බොහෝ දේ ඒ දුටුවන්  තුල ගැබ්ව තිබුණි. එය තෝරා බේරා ගැනිමට මහත් වෙහෙසක් ගැනිමටද සිදුවිය. මම ජිවිතයේ ලැබු දුක සහ පිඩනය  අභියස බොහෝ කරුණු කාරණා අවබෝධ කර ගත්තෙමි. ඒ සඳහා ඉගෙන ගත් ධර්මයද පිටුවහලක් විය. තව කෙනෙකු කරන දේ දැක එයින් මගේ ජිවිතයට යමක් එක් කර ගත් අවස්ථා ද ඇත. ඒ තුල මිනිස් ගුණදම් රැඳි තිබේ නම්  එය අනුකරණය කිරීමටද මා පසුබට නොවෙමි.


පුංචි කථාවක් මේ මොහොතේ මගේ මතකයට නැඟේ. මා 2002 වර්ෂයේ යාපනයේ මාදගල් ප්‍රදේශය රාජකාරි කල අවධිසේ සිදු වු සිදුවිමකි. එහිදි  අපට සිවිල් නිවාස පරික්ෂා  කිරීමට නිතරම සිදු විය. එම අවස්ථා වල උදැසන සහ දිවා ආහාරය ලබා ගැනිමටද සිදු වන්නේ ඒ අතරමඟය. මේ රාජකාරින් සඳහා අපි පිටත් වන්නේ කොටස් වශයෙනි. එක්තරා දිනයක එවැනි රාකාරියක් කිරීමට සිදු වුයේ අපි සිටි ප්‍රදේශයෙන් ටිකක් ඈතට වන්නටය. එහිදි පරික්ෂාව සිදු කළ ප්‍රදේශයේ කෝවිලක් අභියසදීය අපි  උදැසන ආහාරය ගත්තෙමු. මගේ සහෝදර නාවිකයෙකු සහ මම එකම බංකුවේ හිඳ ඒදා උදැසන ආහාරය ගත් ආකාරය මතකයේ රැදුණේ සුන්දර මතකයක් ලෙසින්ය. ඒ මතකය මට කෙදිනකවත් අමතක කිරීමට නොහැකි වන කාරණා දෙකක් ඇත. එයින් එක් කරුණක් නම් ඔහු අද ජිවතුන් අතර නොමැති විමය. දිගන්පතානදී, හිත්පිත් නැති මරාගෙන මැරෙන ත්‍රස්තවාදීන් විසින් පුපුරවා ගත් බෝම්බයට ඔහුගේ දිවියද  ඒදා පුදකරන ලදි. අනෙක් කරුණු නම් ඔහු ඒදා මදගල් කෝවිල අභියස උදැසන ආහාරය ගෙන ඉතිරි වු බත්පත බල්ලාට දමන ලද්දේ බත් එක ඔතා තිබු  ඉටි කවරය ( Lunch Sheet ) සහ පත්තර පිටුව ඉවත් කර තහඩුවක් මතටය. මම ඒ සිදු විම ඈත සිට බලාගෙන සිටියේ ඉතාමත් හැඟුම්බරවය. ඊට කලින් මමද ඕනෑ තරම් ඉතිරි වු කෑම සතුන්ට කන්නට දමන්නට ඇත. එහෙත් ඒ අවස්ථා වල ඉටි කොළය ඉවත් කිරීමක් මා අතින් සිදු නොවිය.  එහෙත් අපි නොදැන කරන සමහරක් මේ වගේ දේවල් තව කොතෙක් නම් ඇත්ද? සතුන් අපි දමන බත් ටික කන්නේ ඉටි කොළයත් සමඟය. මම ඒ කථාව ඔබට පැවසුවේ වෙන අන් කරුණක් නිසාවත් නොව, අපි කරන කියන හොඳ දේ තව කෙනෙකු දුටුවහොත්  ඒ පුද්ගලයාටත් හිතන්නට යමක් ඉතිරි වන නිසාවෙනි. තව දුරටත් කියනවා නම්, තවමත් අපේ රටේ මිනිසුන් තුල මනුෂ්‍ය කම්  සැඟවි ඇති බව මම සිතමි.

       අද අපේ රටේ බොහෝමයක් ඇත්තෝ ජිවතයක් ජිවත් කිරිමට වඩා ජිවිතයක් විනාශ කිරිමේ සටනක නියැලෙන බවක් පෙන්නුම් කරයි. මොහොතක් කල්පානවට බදුන් කරනවා නම් මා මෙහි කියන දේ පිළිබඳව,මේ රටේ අඟ හිඟ කම් වලින් පෙළෙන අහිංසක මිනිසුන්ට ශක්තියක් විමට අපට හැකිය.ඒ තුලින්  අපේ හිත්ද  සැහැල්ලුවට පත් කර ගත හැකිය.
Read More
Related Posts Plugin for WordPress, Blogger...